Xi jiro, Mangshi Fungpyin myuqwa Namu wa ma e yotung bva ma, yomu zhimu panzui e jvoshu mvomyi dai byvaq nyi agvo. Hau gi mau zhimu rung mai mingkau eq goming ma e loqsang sira bve ri shui zupzing mu, mingdan yotung guqzo hotoq zhimu pungzhvung ma e Sikung zhungzhung yomu zui zhvam wu dap ma, lazhung za e yung mai yotung guq eq azhum ge zo e lumbum ho zhvam yotung qu ma jvoshu zhvam wu gvo ri, lumbum wo shu ong dik yan dai lvum nyi agvo ngvut ra.

Lvomo 4 qap 2 nyi, Mingmau mauyam zung dap Zhexang jedap mai Zexang myuqwa asuya eq Zexang dviqzvang zhong bang ri shui bvong mu, sirve lup zhaq kik shoq shui bvong shang agvo. Yvangmoq gi banshoq bang bvunwang a dvomyi, wunwo mizving dvo mu, ori o muzui loqzo mai mingdan eq shingra ringzhat qo wum-o zhe wo gvat toq nyi ra midvu ga, lupshang bvoi zhe lo buinyi ma, suwun ganbu bve eq sira zhongzo bve ri mingdan zhvitngui yung ladam shui yu mvoq begvo ngvut ra.