Luzve:

Ngayuq lanu wui gi o

Ram 1o zolu wui gi o

Laqang wa dam lam ma o

Byi nyi tum damlam ma o

Laso toq ma o

So gan toq ma o

Byi nyi samso le lve o

Boq nyi samso le lve o

Radun dun so le lve o

Rabye bye che le lve o

Boqzhvit byilvo wui ye

Shizhvit zomyi wui ye

Jviko kabo lang gvo lyvo

Korvom kabo lang gvo lyvo

Zapshi kabo lang gvo lyvo

Watlu kabo lang gvo lyvo e

Kunlvum kacung gvo lyvo e

Sholvum kawaq gvo lyvo e

Byizve:

Gawa zolu te le jo zhang ngo

Gatum zoram kun le jo zhang ngo

Jo nau ngo ngui ro

Zhvittang ngo so ro

Nungmoq yuqzo wui gi o

Nungmoq zolu wui gi o

Ulung ka mo zo lvu o

Nangdving ka mun wui lvu o

Yauyang wu gveq o

Tedvu wu gveq o

Luzve:

Ngamoq ram lo wui gi o

Boqdvam zoram wui gi o

Byiwu samso moq gi o

Yo wu laram wui gi o

Po Lanvam mvuq mai zo o

Myvi Qangnvam mvuq mai sho o

Nga zhvit Munu wui ye

Nga dvap zomyi wui ye

Byiung kau mai lumzhing gveq o

Byimyit lvum mai lumzhing gveq

Byizve:

Ram lo zoram wui ye

Boq dvam zolu wui ye

Zhvit so kun le jo zhang ngo

Boqso yauyang te le jo zhang ngo

Qangnvam Munu wui lum be o

Qangnvam zomyi wui zhing be o

Haumu qangnvam byizo wui gi o

Qangnvam zomyi wui gi o

Shi cangzhvit laso toq ma o

Shi cangdvap so gan toq ma o

Byiyvup sumbum toq ma o

Woqyvup sumzhang toq ma o

Gauwa boq zving zhang ma o

Gaumun luzving zhang ma o

Byimo mebung bat lui yo

Boq Ivom cau kan lang lve o

Wap Ivum myimut lang lve o

Zinghum bui le haqhum gvun lui

Haqhum bui le kunhum gvun lui

Gantoq zhimying mu shang ngo

Gantoq zhilu mu shang ngo

Gantoq zhilu amu zhang gi o

Yvang nvammo eq gantoq agvo lvu ga

Sibve zhong le o

Haumu lui yeq o

Gantoq zhimying mu shang ngo

Gantoq zhilu mu shang ngo

Boqzhvit singno moq o

Shizhvit zhviyui moq e

Radun dun so le gveq o

Rabye bye kap 1o gveq o

Luzve:

Qangnvam byizo sang lo kun 1e o

Qangnvam byilvo yauyang kun 1e o

Joso nomu wu zhang ngo

Zingtuq laino wu zhang ngo

Yuqzhvit han dvap ra su ga be o

Luzhvit han dvap ra su ga be o

Dunso han kap nau be o

Byeche han kap nau be o

Haumu laso toq ma zhe be o

Sogan toq ma zhe be o

Byungui cham chung gvun shang ngo

Ngvoq ngui hutang jvang shin gvun shang ngo

Zhigau tung so gvunshang ngo

Woqgau ngvatdvu gvunshang

Byizve:

Lanvam zolu kun le jo zhang ngo

Zolu yauyang kun le jo zhang ngo

Boqzhvit nvikdving ra su jo ga ro

Shizhvit zhvidvum ra su jo ga ro

Qangnvam byizo jo zhvitdap ro

Qangnvam zomyi zhe jo ngui be o

Akui gi lvi yoi

Lanvam zolu wui mai yo

Lanvam zoram wui mai yo

Zhvit so dum coq wu gveq o

Dvap so dum zvoq wu gveq o

Luzve:

Akui gi lvi yoi

Qangnvam Muyung wui ye

Qangnvam byilvo wui ye

Yauyang kun dvu te le

Yauyang kun dvu wu ba o

Kuwai sunlik mai gi o

Kuwai myin ge mai jvo

Lanvam pungqam wang ra myit gveq o

Lanvam zumtang doq ra myit gveq o

Lanvam yvum yung coq ra myit gveq o

Lanvam yoyung zui ra myit gveq

Lanvam zomyo myvu ra myit gveq o

Zotang wuimun luq ra myit gveq

Nuitang kobo bo ra myit gveq o

Lanvam mayat ra myit dvo gveq koi yo

Lanvan maya ra myit ging gveq koi yo

Byi-myit kabyoq gvo lyvo e

Byisang kase gvo lyvo e

Byizve:

Ram lo wui ye yuqkun te le jo zhang ngo

Zoram wui ye yauyang te le jo zhang ngo

Byinvik byizo tung ro

Byimyit zomyi ngui ro

Ngvut gvolvang lvi yo

Lahing mun ma qang zhe ra lve o

Lalam mo ma shung shit ra lve o

Myvipo li hau achang zhang gi o

Yodam qo hau achang zhang gi o

Mo abo zo ga gvo ra o

Mun abo wui ga gvo ra o

Haumu lui lvi yoi

Lanvam zoram nungmoq hi o

Myitso sumlving quq wu gveq o

Ngvamso sunzhang bying wu gveq o

Luzve:

Lanvam zhvitchang byiyung wui

Zolu dvap lo zomyi wui ye

Myitso sumlving aquq gvolvang

Ngvamso sumzhang abying gvolvang

Lahing mun gu ra gi o

Lalam mo gu ra gi o

Nga po Lanvam se lve o

Nga myvi Qangnvam se lve o

Nga po sumse se lve o

Nga myvi sumdat dat lve o

Byimyit myo no ara lyvo e

Qingtang myo no ara lyvo e

Byizve:

Boqzhvit singno moq e

Shizhvit zhviyui moq e

Zhvitlai aluq moq e

Dvaplai atang moq e

Byiyung bandvap long bve e

Luyung lungzun wut bve e

Gantoq zhilu aban shi ma o

Zhvittang zoso aban shi ma o

Dvanggung po lvang ngo

Lawoq po lvang ngo

Bat nve myibung zo be lo be o

Dvun nve mausuq zose lo be o

Lalam lo be o

Maude lo be o

Byidum camdvau shang koi yo

Yuqdum byangdvau shang koi yo

(Gvasu Chumlut Dvon)