Wap ma lusik Lvomo 4 qap 19 nyi mai 22 nyi zhe, buinyi 4 nyi zhe nambat 16 cik Zhunggo Yunnan Pu-e cha minggvan dvambyvaq wuiloq zuppong(a-o ma cha dvambyvaq zuppong za ga le)Kun myin Dvenchi minggvan zuppong dvambyvaq yvum ma byvaqshit lvum agvo.Nganvung mau mai shuipung lo bilom e gi Mau yomu zhimu gon zui rung, cha zhimu zuizham wap, 14 yvum sutho seng eq loqsan hozoshe banshoq 40 yuq myit lo zhe bilom agvo. Dvambyvaq aqing ma, “Deqcha namngon ” qo ri midung dangwang gvut e Sikung mau dvambyvaq zhiwo, Yunnan 10 zhung myinghu dvambyvaq zhiwo(Deqfung) eq yvummau zuiring dvambyvaq zhiwo gi diqa dong mai Deqcha zhvoizong lvoqtoq shit dvo begvo. Xida cha dvambyvaq zuppong ma zhang ma yvang wo    ungtoq e wanglo ngun 46.82 mun koi zhe ra, xi gu ma soncha mai wo ungtoq e wanglo ngun 41.82 mun koi zhe ra. Deq-ang soncha mike gvalvum e 8 yuq 32 mun koi, wo bvongzui lvum dut e gi 5 lvum 120 mun koi zhe ra, zhe lagvam Sikung mau ming ma zhe wo myinghu be ngvut ra.