Wap ma lusik Lvomo 4 qap 19 nyi ri, 2024 zan Sikung mau mingbyu gom logidat paqzhvi muzo zuppong eq mau logidat zhimu 8 cik 2 da zuppong pong agvo. Mau up mudve zau Dung Qiran zuppong le bilom ra.

Zuppong ma, Mau kexe bang mingbyu wui banshoq bang logidat paqzhvi lvoq myvang ra muzo coqcoq zuisai e lo qo le shit jvo, 2023 zan le logidat paqzhvi muzo zuisai qo ri zhepgve wu e amu le shitjvo agvo, Lyangho, Lungchon 2 ginwang bang amu wo zuige dik e arong wo yu lui yvumsing amu wo zuige e paqzhvi ri mingtoq jvo agvo.

Zuppong ma dai gvo ri, 2024 zan gi mingbyu wui banshoq bang logidat zhimu paqzhvi lvoqmyvang ra muzo zuisai e midung zanwut ngvut le, wunmu zvang lagvam mai sai hun ge lui mingbyu banshoq bang logidat paqzhvi ganzvang wo lvoqmyvang shoq zuisai e lo,“14 da 5 zan henzui muzo”zuidvom aqing ri, maugom mingbyu wui logidat paqzhvi se e byu 11.5% atoq gu wo zhe shoq zuisai ra ngvut le ga.(Puqsu Mangshang Langdving)