Lvomo 4 qap 18 nyi ri, Mangshi ma zhongzo imyit wangzan zvangyang qo zupzing kojvo mvoqshit amu Mau amyvu jiro zvang munshut zhong ma pongzui mvoq agvo. Xidam pongzui zuppong ma gi "Paushuq yu mai mvoq imyit gibu ngon gvolo qo"ri midung dangwang gvut mu, laili zatbyvaq, loqsan paqzhvi gvutshit amu byvaqshit , imyit wangzan paqzhvi mvoq daijvo gvut agvo, sira zhongzo banshoq bang eq mowui gvutbang ri azhung zhung kumzup laigva imyit wangzan mvoqshit amu pongzui agvo.

Zaizo amyvu wui ningxen bvoi chom wang ngon gvun agvo. Lvomo 4 qap 13 nyi ri, Yinjvang ginwang Kachang mauwa Wupaq wa ma ginwang(myuq) kangmo mai zhe lo e Zaizo paushuq yu tungking laili paqzhvi zhvitdap bang 300 yuq myit Zaizo amyvu e tungking ningxen bvoi chom wang ngon gvun agvo.