Jahpang gat na sa-hpye

Bum Lai

Le lo

Mangshi pa layang a nington

Manyep tsom Jahpang pa e ninghton

Lali tsom Tungshan bum shingkang

Manyep tsom Jahpang pa shingwang

Hpyendap kong shingkang wundoi

Jahpang gat mare e wa jahproi

Jahpang gat shani wu wu di di

Mading sumtsan ga na manam du

Mangshi mayan hte Wucha lu

Sishan Ga-chyung ni du pru

Manghai Wandin ni du sa

Maigan masha nhto n-ya

Laban du Sam gat rai hkum

Jinghpo De-ang rai zup

Shani ninglum jan tung ten du

Pasa sa-hpye seng de yen gahpru

Pasa sa-hpye seng grai nan lo

Sa-hpye sha ai ni lahkum to

Pasa sa hpye sha dung dingren

Majap jap nna hkumbai hkyen

Hka ai hkri ai sa-hpye hkum

Sa-hpye sha salat pun gahtan hkrum

Pu hka jahku she ladu lai mu

Gayau dat jang tsom nsam pru

Sha yang saulau shinglet jung

Sailen nten hpe hpungtun

Hka hka dui dui nga nna shum

Jap jap shum shum nga nna tun

Chyim let sha ai sa-hpye wa

Hkru sai ngu ai lam n nga

Mani dung shaga chyai let sha

Rujap hte yep jan du hkra

Jan du n dum sa-hpye sha

Ntam wa lam she tau ta

Gaji gaba sha ra ai sa-hpye

Jahpang gat na chyu sha re

Seng e sha ai sha n ram

Sha ngam ai makai mat wa hprang

Wunyomyiman hkye kang hkra

Lam lapran sa-hpye mu lam jahta

Malap n lu Jahpang sa-hpye

Ya na gat bai sha ga le!