Salik ayin mung ana myu mi re
Salik pak ai mano manang ni yong go salik pak yang hkamja lam n nga ai re hpe chye ai hkrai raitim, salik n lu sharang kau nga ma ai. Manang nkau go salik ton kau mayu nna lo lo lang sharang yu sai, salik sharang jang nji n-gu nshu nshang nga wa nna, n nga pyo wa ai majo jahkring kau ai lo malong rai ma ai. Reng go, salik pak ai manang salik hpe ganing di sharang kau na rai? Salik pak ai ni hpe grau htukhko ai hku sharang kau shangun na matu, Miwa mung Japan mung hkuhkau tsirung mungdan nsa lam tsi mawan hpaji ginju, Miwa mung tsi mawan hpungtang hpaji Bekyin sehe tsi rung, Miwa mung hkamja sharin shapan gin ju re ni jom pong nna mungdan ting na salik ayin kap ai masha mun 8 jan hpe salik pak man ai masa lam hte hkrit tsang ra ai kahpang jep maram yu ma ai.
Tsi sara Shau Dan tsun ai: Jahpan ko mu lu ai, anhte mungdan na salik lu ai masha gadi 3 jan rai yang, gadi mi ri 8 wan 3 sen 5 go ayin kap mat sai. Masha ndai ni go salik pak ai masha yong hpon ko na chyen mi daram du nga ai, shanhte go salik sharang kau na grai yak ai. Anhte chyam dinglik nna no mu lu ai, ayin n kap ai ni salik sharang kau lu ai go yin kap ai ni hta na htam 2.88%re.
Salik ayin kap mat ai ni go salik pak yang hkamja lam n nga ai re chye tim tinang hkrai sharang kau na go grai yak ai, madung go shanhte salik pak man ai ana kap mat sai.
Tsi sara Shau Dan tsun ai:Tsun ga nga yang, salik pak man ai go mai yak ana re, sai tso ana, saisau tso ana, jit dui ana re ni tsi lajang yang tsi sha tsi htu ra ai zon, salik ayin kap ai ni hpe mung ana tsi lajang ai zon di tsi lajang kau ra ai. Salik ayin kap mat sai ni a kumla go, marai lahkong salik lu yang, langai mi go asak n galu ai, asak 10 ning daram grit mat nga ai. Salik pak man ai ni nong e salik pak jang asak dan ai bo ana lu wa ai, ga shadon sinwop sai lam pat bum lapau ana, salum bonu sai lam pat ana, jit dui ana re ni hte kaga ana amyu myu machyi wa ai. Reng go, salik pak man ai ana ganing di tsi lajang la na re ta?
Tsi sara Shau Dan tsun ai: Salik pak man ai ni salik sharang kau lu tim, myit hta n lu sharang hkro nga ai, shing re majo lak san salik pak man ana tsi lajang gok de tsi sara ni hpe sa tam nna salik sharang kau ra ai. Anhte go salik pak ai ni hpe myit n-gun jo ai hte rau, tsi jo tsi htu nna salik sharang kau shangun ga ai. Salik pak ai ni salik n pak mat, shing nrai salik sharam pak jang hkum grai n pyo wa ai, ga shadon myit ru, bo machyi, myit n zim, hpum wa rai chye ai. Dai majo, myit hte sha da-ting yang salik sharang kau na grai yak ai, laksan tsi lajang gok ko sa nna gumhpon tsi lajang ladat lang jang she salik pak man ai ayin lu shagrit kau ai hta n-ga, salik pak yang n mu mat, salik pak na n kam mat rai nga ai. Tsi sara Shau Dan tsun ai: Ya yang, mungdan gata na sangya (三甲) tsi rung lo malong ko laksan salik sharang kau na tsi lajang gok nga ai, shara ra lawu tsang na gat lok tsi rung ko mung seng ang ai salik sha rang gok hpo ton ai.
2017 ning na jahpan ko mu lu ai, mung dan ting hta salik sharang gok 366 hpo ton sai, ndai lahkong masum ning hta matut manoi lo jat nga ai. Nang nga shanu ai shara ko salik sharang gok n nga jang tsi rung ga ba na nsa lam tsi lajang gok ko mai sa tsi lajang la ai. Yang yang namtsi gok nkau hkan hkum dip ya, samyit gatsing jung, namtsi makai ya re ladat amyu myu hte tsi lajang ya ma ai.
Salik pak man ai go mungkan hta jom yin la ai machyi mai yak ai ana langai mi re, tinang hkrai sha salik n lu sharang kau jang go salik ayin kap sai ga re, tsi rung de ala wan sa tsi lajang nna salik sharang kau ra ai.