(Hida le atang xi mai wu coq)

3.Son ra qo  ①Chuhui qinchung ri jai e、isam pyupyu e、somsom za e、zhumzhum za e aqi dut gu qinchung ra le, ajai e chuhui zangchung zhang gi ajai e ze kamyvo bo le mai wu lui chuhui zhum zhatlvuq ra le, nyoq gu chuhui mvun age chung; lyuson tung qin- chung ri gi isam maukung su nyui gu、zhvutzhvut wikwik za dut gu qinchung ra le, isam ne gu, angvut zhang nyui gu bo e lyuson tung age chung. ②Lyuson tung shoqnyvo byvongsai kun, ka hu gi hi ma gvat le、ka hu gi tang ma gvat le xi age lvoqdvau, za angvut zhang byvongsai toq e bvo-e dvoye abvat myo ding le. ③Dvocham e chiwing 2 hu bvongnyvo ra hi ma, chuhui wing ri gi miyu le gvegan ma zhe shoq dvo cham ra le, za angvut zhang achuq ma abvat dingnau dik le. ④Bvo-e dvoye byvongsai ra bvung chung ri, sham- dvoq ze abo e bvung chung ra le, shamdvoq ze bo e bvung age chung, shamdvoq ze bo e bvung chung zhang, bvung ma e shamdvoq eq lyuson tung kau ma e tung ga e ze ri       zhvupbyvam lui notang chiwum abo lo dut le. ⑤Chiwing xi byvongsai ri lyuson tung、chuhui zhum、izhvam xi kamyvo gvut sai ra gvegan mai ladam dvaq byvongsai ra dut le, chiwing ban nyvoge tang ma izhvam age gvatlvuq lo, za angvut zhang abvat ding、aqi qi zo za acham bo dat dut le. ⑥Banshoq ri bvo-e dvoye chiwing gvut byvongsai kun, liuson tung ban byi-nyo shoq yvang lvunyvo ge ra le, aban byi-nyo gu shigam ma e bikpyun zhang, chi eq kilaq e isam nehui hui ma e  advok dvok dat duttoq le. ⑦Bvo-e dvoye chiwing gi jenxing chi ngvut le, gai ga e ze bo, angvut zhang jen ga e hu eq ara gu chi（Danggve didi wui、daisen xin）eq shilyu hojiq、sungzhi hojiq、kongwu yuqjiq xi bve eq age bvongchung. Chi eq kilaq mu atoq ra midvu, bvo-e dvoye bikpyun e howa ma, buinyi 15 ~ 20 nyi kau ma shilyu hojiq chiwing age bikpyun. Asu e keshi xin lyuhong eq gi ge bvongchung le. ⑧Shicham ma chi adap ra midvu, shicham pyoqyu ra hi 15 nyi mai bvo-e dvoye chi age bikpyun lo. ⑨Bvo-e dvoye chi bikpyun e chipyun zhak ri banchung eq lawan wan chiseng byvam gvut ra dut le. (Aban shi)Daizhat 2  Shilyu hojiq chiwing zhvoqtoq qo

Shilyu hojiq gi chuhui zhum、lyuhong mvun sai e isam nehui hui ma e chiwing ngvut le.

Shilyu hojiq gi jen ga e wum tan、dat ngat zhung chi ngvut le, chi xi ma dvolyu fa gai ga e ze bo le. Shilyu hojiq chiwing xi woq-u bup su ga zhaq nam le, chiwum ri mausoq ma e yangqi soq、e-yang fa tan eq wo lvoq boi byvam le. Miyu mai lo dai zhang, shilyu hojiq chiwing xi myangmyang age dvo- dvo. Shilyu hojiq chiwing eq bauzo、man chung bau、nobau xi bve ri wo sat le, shigam baubo ma e agang、jekeq chung bau、advok dvok gvut bupzheq no、befun no、bupnyvaq no eq goqzheq no xi bve ri wo tang le; xi mai lai lui, bikpyun tang ma dut toq lo e lyuhong chimvun cham zo xi sikmvan no ri zhaqge za wotang e ajvu bo le.

1.Chiwing byvongsai ze qin- chung qo  Chuhui zhum 1 dvu、lyuhong mvun 2 dvu、  izhvam 10 dvu gvut e gvegan mai zhvoqtoq le, chuhui zhum gi zhenzhen pyupyu e chuhui qi ri qin chung ra le,         lyuhong gi  amvun ri zhe ge le.(Aban shi)